నరసరావుపేట అక్టోబర్ 16 (అక్షర కృష్ణ)
ఏపీ ప్రభుత్వం చేపట్టిన సూపర్ జిఎస్టి - సూపర్ ఆదాలు అవగాహన కార్యక్రమంలో భాగంగా నరసరావుపేట 29వ వార్డులో శాసనసభ్యులు డాక్టర్ చదలవాడ అరవిందబాబు గడప గడపకు తిరిగి 2.0 సంస్కరణల ప్రయోజనాలు వివరించారు. ప్రత్యేకించి ఎలక్ట్రానిక్ వస్తువులపై తగ్గిన పన్ను రేట్ల గురించి చెప్పారు. గతంలో 18 శాతం నుంచి 28 శాతం వరకు ఉండేవని, ఇప్పుడు చాలా వస్తువులకు 5 శాతం నుంచి 12 శాతం వరకు మాత్రమే వర్తిస్తున్నాయని తెలిపారు. ఉదాహరణకు మొబైల్ ఫోన్లు, ల్యాప్‌టాప్‌లపై 18 శాతం జిఎస్టి ఉండగా ఇప్పుడు 12 శాతానికి తగ్గిందని, టీవీలు, రిఫ్రిజిరేటర్ల వంటి పెద్ద ఉపకరణాలపై 28 శాతం నుంచి 18 శాతానికి, చిన్న ఉపకరణాలపై 12 శాతం నుంచి 5 శాతానికి తగ్గిందని వివరించారు. ఈ తగ్గింపుల వల్ల వినియోగదారులకు 5 వేల రూపాయల నుంచి 20 వేల రూపాయల వరకు ఆదా అవుతుందని వార్డు ప్రజలకు చెప్పారు. డాక్టర్ చదలవాడ అరవిందబాబు నాయకత్వంలో జరిగిన ఈ కార్యక్రమం ప్రజలకు జిఎస్టి సంస్కరణల గురించి స్పష్టమైన అవగాహన కల్పించింది. ప్రభుత్వం ఈ సంస్కరణల ద్వారా సామాన్యులకు ఆర్థిక భారం తగ్గించి, వస్తువులు సులభంగా అందుబాటులోకి తెచ్చే ప్రయత్నం చేస్తోందని ఆయన అన్నారు. గడప గడపకు తిరిగి ప్రజలతో మాట్లాడుతూ ఈ మార్పులు రోజువారీ జీవితంలో ఎలా సానుకూల ప్రభావం చూపుతాయో ఉదాహరణలతో వివరించారు. ప్రజలు ఈ సమాచారాన్ని స్వాగతించి, ప్రభుత్వ నిర్ణయాలను అభినందించారు. కార్యక్రమంలో మాజీ మున్సిపల్ చైర్మన్ నాగసరపు సుబ్బరాయుడు, పట్టణ టీడీపీ అధ్యక్షులు గట్టుపల్లి సత్యనారాయణ, ఛాంబర్ ప్రెసిడెంట్ వనమా సాంబశివరావు, బీజేపీ అసెంబ్లీ కన్వీనర్ రంగిశెట్టి రామకృష్ణ, పట్టణ ప్రధాన కార్యదర్శి గూడూరు శేఖర్, పార్టీ నాయకులు కపలవాయి విజయకుమార్, ఆఫీస్ ఇంచార్జ్ తాళ్లూరి సత్యనారాయణ, కొట్ట కిరణ్, వార్డు సెక్రటరీ షేక్ బచ్చే మస్తాన్, 29వ వార్డు ఇంచార్జ్ పట్టణ తెలుగుదేశం పార్టీ వనమా పవన్ కుమార్, 29వ వార్డు జనసేన ఇంచార్జ్ వీరాంజనేయులు, తవ్వా వీరాంజనేయులు, బింగి భరత్, మాజేటి పుల్లారావు, షేక్ ముస్తఫా, వార్డు ప్రజలు, నాయకులు, సచివాలయం సిబ్బంది తదితరులు పాల్గొన్నారు.
